Advertisement

ماهي متلازمة الذئب البشري ؟ بالدارجة المغربية

ماهي متلازمة الذئب البشري

تمهيد

فالقديم كانت واحد الاسطورة كتهضر على واحد الذئب بشري، الاسطورة كتقول بلي كاين واحد الراجل كايتحول لديب ملي كايكمل القمر، هاد الدئب البشري كيبقى يقلب فالغابات على الضحايا ديالو ليل كامل حتى تشرق الشمس عاد كيرجع لحالتو الطبيعية البشرية، واش ممكن تكون هاد القضية بصح ؟ غاتقول ليا لا مايمكنش ولكن اش بان ليك ايلا قلت ليك ممكن ؟ نمشيو للموضوع باش نتعرفو على متلازمة الذئب البشري “Werewolf Syndrome”.

ذات صلة : متلازمة كورو – الخوف من تقلص الاعضاء التناسلية بالدرجة المغربية

تعريف متلازمة الذئب البشري

“متلازمة الذئب” أو “الذئب البشري” هو واحد المرض كايتسبب فنمو الشعر لبنادم فجميع المناطق، المصاب بهاد المرض كاينوض ليه شعر مغوفل فيديه ورجليه وظهرو ووجهو بحال الشعر ديال الراس، هاد الكتافة ديال نمو الشعر كتخلي المصاب بهاد المرض يولي بحال الديب.

اسباب متلازمة الذئب البشري

السبب فهاد المرض هو واحد الخلل هرموني كيتسبب فتغيير الجينات الوراثية ديال بنادم الشيء لي كيتسس فنمو الشعر فالجسم والوجه ديال بنادم بواحد الشكل غير طبيعي، هاد الخلل فالهرمون كايتلف الجينات الوراثية يعني فبلاصة ماينوض الشعر فالراس بوحدو كاينوض فالجسم كامل.

علاج متلازمة الذئب البشري

واش كاين شي علاج لهاد المرض ؟ اه كاين علاج، الاطباء كينصحو بإزالة الشعر بأشعة الليزر ولكن غالي شوية وكاين علاج خر هو استعمال بعض الكريمات لي كتمنع نمو الشعر.

أعراض متلازمة الذئب

هاد المرض ماعندوش اعراض ويالاه كيتصاب بيه واحد من بين مليار ديال البشر واغلب المصابين بهاد المرض عايشين فالمكسيك والهند، كاين لي تعقد بسباب هاد المرض وكاين لي استغلو وتشهر وجمع فلوس بحال واحد السيد سميتو “لاري راموس كوميز” هاد السيد ماتعقد ماوالو بالعكس مشى ديريكت خدم فواحد السيرك وهاد المرض خلاه يتشهر وبسبابو ربح فلوس صحيحة خاصة ان هاد المرض نادر جدا الشيء لي جاب ليه جمهور كبير وتصور معاهم وخلق السعادة لراسو.

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *